Actualidade

UNHA BOA SEMANA

Data de publicación: 23-06-2015
O pasado 9 de xuño, o Arquivo Histórico Provincial de Pontevedra abriu as súas portas con motivo do Día Internacional dos Arquivos 2015. Durante varios días, os cidadáns puideron percorrer as súas instalacións e escoitar dos seus técnicos as explicacións sobre a súa orixe, as súas funcións e o traballo que se realiza.
 
Paralelamente, puideron ver unha mostra de documentos orixinais que o centro preparou sobre o tema da conferencia (A industria conserveira galega: historia dun éxito industrial) que o día 12, o profesor doutor D. Xoán Carmona Badía (USC) impartiu como colofón ás actividades da semana. O día culminou coa actuación musical do violonchelista Luís E Caballero Varona.
 
Publicar no Facebook
Compartir no Twitter
Agregar a Delicious
Compartir no LinkedIn

DÍA INTERNACIONAL DOS ARQUIVOS

Data de publicación: 04-06-2015
Con motivo do Día Internacional dos Arquivos (9 de xuño), o Arquivo Histórico Provincial de Pontevedra (AHPPo) organiza, dende o día 9 ata o día 12 de xuño, as seguintes actividades, a realizar nos propios locais do arquivo, sitos no Paseo de Colón nº.  4 de Pontevedra:
 
PROGRAMA DE ACTIVIDADES
 
Do 9 ao 12 de xuño. Xornadas de Portas Abertas
 
Visitas guiadas ás instalacións do arquivo, que inclúe mostra de documentos sobre a industria conserveira. 
 
Horario: 12,00 h. e 17,00 h. (de martes a xoves)
              12,00 h. (venres)
 
Día 12 de xuño. Conferencia e velada musical
 
Conferencia: A industria conserveira galega: historia dun éxito industrial, impartida por D. Xoán Carmona Badía.
 
Velada musical a cargo do violonchelista D. Luís. E. Caballero Varona. 
 
Horario: 19,00 h.

 

Publicar no Facebook
Compartir no Twitter
Agregar a Delicious
Compartir no LinkedIn

EXPOSICIÓN MULLERES. SÉCULO XX. LUCES E SOMBRAS

O  xoves, 9 de outubro, ás 20,00h., o Arquivo Histórico Provincial de Pontevedra inaugurou a exposición Mulleres. Século XX. Luces e sombras.

A Consellería de Cultura, Educación e Ordenación Universitaria, unha vez mais, potenciando a difusión do patrimonio documental custodiado nos arquivos, resalta o papel da muller galega a través desta exposición itinernante (organizada no ano 2013 polo arquivo Histórico Provincial de Lugo), que mostra en imaxes as condicións de vida, traballo e participación da muller galega ao longo dos anos 30 e 80 do século XX.

Campesiñas, obreiras, mestras, costureiras, nais... mulleres de todos os ámbitos sociais mostrándonos o seu traballo cotián e a súa participación na vida social, nun universo que nos permite visualizar o esforzo continuado daquelas mulleres que nos precederon e nos permitiron chegar ata aquí.

A exposición en imaxes compleméntase con varias publicacións sobre as mulleres.

A exposición, situada nos locais da Biblioteca Pública de Pontevedra, permanecerá aberta ata o día 25 de outubro, en horario de luns a venres de 09,00h a 21,00h e o sábado de 10,00h a 14,00h.

Publicar no Facebook
Compartir no Twitter
Agregar a Delicious
Compartir no LinkedIn